Туннэ мон удмурт кылын блогам гожтӥсько. Янгышъёсын, дыр, малы ке шуоно али шер гинэ удмурт кылын гожъясько, просто практика ӧвӧл. Озьы ке но, удмурт кыллэн нуналэныз, эшъёс!

 

Мон гудырикошконлэн пумаз Кузонэ лыктӥ. Малпасько вал, бигер кылэз дышето шуыса, нош монэ ӟуч группае пуктӥзы… туала ӟуч стиль, наверно. Бигер кыллы вотэсын но ӝыт курсъёсын дышетскисько, нош ӧжыт гинэ котькуд нуналэ ӟуч кылъя курсъёсы уг ветлӥськы.

 

Малы мыным соку бигер кыл кулэ? Мон азьлогес трос Волга—Урал ёросысь кылъёслы дышетски, кудъёс пӧлысьтыз удмуртэз тужгес но умой быгатӥсько. Бигер кылэз азьлогес ноку но ӧй дышеты, со Ӟуч Федерациын самой бадӟым кыл ӟуч кыл бере ке но. Трос удмуртъёс но поръёс бигер кылын но верасько. Кыл контактъёс котьку тунсыкоесь. Бигер кылын трос тодмо кылъёс вань.

 

Мон 2012-ысен арлы быдэ Удмуртие одӥг яке тросгес пол ветлӥ. Ку нош ик ветло, уг тодӥськы, луыны быгатэ эшъёсыным толшор толэзе. Гуртэ потэ! Вералэ, пожалуйста, кин доры 2—5 фин адями лыктыны быгатоз! Кызьы удмуртъёс уло но кыӵе усто соослэн кылзы, со сярысь мар ке но тодӥсько, мынон-ветлонъёсылы со понна тау кароно.

 

Мон татын умой улӥсько: ас квартирае вань, выль эшъёс но вань. Ӟуч кылэз али умойгес но тодӥсько, дыр, бигер кылэз но кӧня ке. Висисько гинэ. Ньыль арня бере эмъясь доры ветлӥ, ӟуч кылын ваньзэ отын кари. Малпасько вал, умойгес-а ӟуч эмъясь доры мыныны яке кулыны, нош соос бигеръёс вал. «Сау булыгыз» соослы потыкум верай, соос пукон вылысьтызы усизы, дыр, мон ук шузи кунсьӧрмурт вал. Антибиотикъёс басьтӥ.

 

Одӥг ӝыныен арня талэзь азьло Карл Маркс сярысь доклад кыӵе ке Маркслы сӥзем конференциын лыдӟи. Ӟучшаерын гинэ, малпай. Умой вал, кӧня ке виси гинэ, капчи макмыр но вал кӧснунал ӵукна. Докладэ тужгес но умой ӧй вал, нош куинетӥ интыез, пе, басьтэм. Мон лыдӟеме бере ик отысь кошки, соин ик премиез ӧй басьты на. Статьяме вотэсэ куке но поттозы – со кыкетӥ тодос поттонэ луоз. Нырысетӥзэ перм кылъёслэн куараоссы но шонер гожъяськонъёссы сярысь гожтӥ, нош соку ӧй малпа, вуоноез Маркс сярысь луоз шуыса…

 

Марым, лэся. Мон али бигер но ӟуч урокъёсме лэсьтыны кутскисько, вузаськонние ветлӥсько но ӝытазе бигер кылъя уроке ветлӥсько, мон «освобождён от работы» ке но. Ӵуказе эмъясь доры нош ик мыно. Секыт, малы ке шуоно соку ик мыным экзамен сётыны но кулэ.

 

Удмурт кыллэн нуналэныз эшшо огпол!